mércores, 14 de novembro de 2018

TOPONIMÍZATE

 

O próximo mércores, 21 de novembro ás 16:30 h, teremos no centro social da Rúa a charla Toponimízate!

Falarase de toponimia galega en xeral (os motivos da abundancia de nomes de lugar no país, a toponimia galega como patrimonio inmaterial...) e tamén da propia do noso concello (significado dos nomes das parroquias e das aldeas; como consultar a toponimia xeorreferenciada de cada municipio no buscador de topónimos; utilidades desta ferramenta...).

martes, 13 de novembro de 2018

QUERO CANTAR! GALA FINAL


 

O teatro Colón da Coruña acollerá o vindeiro sábado a partir das 18.00 horas a gala final do III Certame de música infantil e xuvenil Quero Cantar, que convoca a área de Cultura da Deputación da Coruña.

A banda María Fumaça, capitaneada por Uxía, será a convidada este sábado na gala final do Quero Cantar en que se decidirán os grupos gañadores na modalidade de infantil e xuvenil da terceira edición do certame musical da Deputación da Coruña.

 Xa se poden reservar as entrada.

Fonte: Deputación da Coruña

venres, 9 de novembro de 2018

FOCUS EN VERSIÓN GALEGA


Focus, o navegador privado de Mozilla para Android, xa ten versión en galego grazas ao traballo da Oficina de Software Libre das universidades galegas (CIXUG).

Fonte e máis información en Código cero

xoves, 8 de novembro de 2018

APODERAMENTO

 

O dicionario da Real Academia Galego xa recolle o termo apoderamento

Na web da institución está publicado un interesante artigo no que se explican os motivos polos que se adoptou esta solución, e non *empoderamento, e mais que a súa incorporación partiu dunha iniciativa cidadá.

Máis información en https://academia.gal/

GALIZIONARIO

A Universidde de Vigo acollerá o Emlex Wiktionary Hackfest, primeiro maratón dirixido a incorporar contidos ao Galizionario, versión galega do proxecto Wiktionary, o dicionario impulsado pola Wikimedia Foundation no que son os propios usuarios e usuarias os responsables da incorporación dos contidos, que ata hoxe conta con máis de 53.000 entradas.

A actividade desenvolverase na Facultade de Ciencias da Educación e do Deporte o 16 de novembro e está aberta á participación de calquera persoa interesada, incluso para “aquelas persoas que non poidan vir a Pontevedra pero que queiran sumarse editando desde as súas casas”, segundo o sinalado polo propio coordinador do acto, Carlos Valcárcel.

Máis información na Universidade de Vigo

Fonte: O Portal da Lingua Galega

venres, 2 de novembro de 2018

CONCURSO DE MICRORRELATOS

PuntoGal, o dominio da lingua e a cultura galegas en internet, en colaboración con Dinahosting, celebrará o Samaín cun concurso de microrrelatos no que, a partir dun texto inicial en galego de Rosa Aneiros, as persoas participantes deberán continuar a historia onde a deixou a escritora.
O concurso terá unha duración de 12 días (do 24 de outubro ó 4 de novembro) a través das redes sociais, Facebook, Twitter e Instagram co cancelo #HalloweenDH.
Podedes atopar máis información na web www.dinahosting.gal e en www.asociacion.gal